24 мая, у Дзень славянскага пiсьменства, у Ваўкавыску, пры храме святых Роўнаапостальных Кiрыла i Мяфодзiя, адбыўся ХI фестываль-конкурс праваслаўнай духоўнай паэзii "Анёльскi глас". У мерапрыемстве прынялi ўдзел больш за 70 выхаванцаў нядзельных школ з усёй Гродзенскай епархii. Наш прыход i храм прадставiлi самыя юныя выхаванцы нядзельнай школы - першакласнiкi Шляхтун Кiра i Мiхно Сцяпан. Пяшчотна i пранiкнёна з iх вуснаў прагучалi радкi вершаў беларускай паэтэсы Вiкторыi Смолкi: "На Беларусi Бог жыве", "Каля царквы ўтульнай, невялiчкай". Выступленнi рабят былi адзначаны высокай ацэнкай i гучнымi апладысментамi публiкi, падзякамi i прызамi ад членаў журы. Мiхно Сцяпан за артыстычнае выкананне верша-прысвячэння роднаму храму стаў пераможцам у конкурсе! Ён атрымаў Дыплом 1 ступенi ў самай шматлікай узроставай групе "Пачатковыя класы" (ажно 38 удзельнікаў)! Вiншуем Кiру i Сцяпана, дзякуем iх бацькам за аператыўнасць i суправаджэнне дзяцей у такiм важным духоўным мерапрыемстве!
Няхай нашы дзецi ўзрастаюць у веры i любовi пры роднай утульнай царкве, пад Пакровам Царыцы Нябеснай, сэрцам i розумам праслаўляючы Бога!
