22 сакавіка наша храмавая супольнасць адправілася ў духоўнае падарожжа. Паломніцкая паездка аб'яднала вучняў, бацькоў і настаўнікаў нядзельнай школы, а таксама дарослых прыхаджан нашага храма. Гэта была магчымасць не толькі пабачыць прыгожыя месцы, але і памаліцца, і даведацца больш пра праваслаўныя традыцыі.
Маршрут паездкі пралягаў праз адны з найбольш шанаваных святых месцаў Беларусі. Удзельнікі пабывалі ў Жыровіцкім Успенскім манастыры, дзе прыклаліся да цудатворнага абраза Божай Маці. Таксама паломнікі наведалі ўнікальную Сынкавіцкую царкву-крэпасць .
Асаблівым момантам стала наведванне Святой крыніцы. Святар нашага храма айцец Георгій правёў для ўдзельнікаў невялікую катэхізісную гутарку. Ён расказаў пра гісторыю крыніцы, пра тое, як правільна карыстацца святой вадой, і пра духоўныя традыцыі, звязаныя з такімі святынямі. Дзеці і дарослыя з увагай слухалі бацюшку. Паломнікі набралі вады з крыніцы, а некаторыя (сярод іх і вучні нядзельнай школы) не пабаяліся акунуцца ў купелі, тэмпература вады ў якой каля +4 градусаў.
Арганізатарам гэтай дабрачыннай ініцыятывы выступіла прыхаджанка нашага храма Зоя Пятроўна. Выказваем ёй шчырую падзяку за клопат, увагу і арганізацыю гэтай карыснай паездкі, якая дазволіла ўсім нам адчуць сябе адной вялікай сям'ёй.
Няхай Госпад благаславіць усіх удзельнікаў паломніцтва, умацуе ў веры і захавае пад сваім заступніцтвам! Дзякуй айцу Георгію за духоўнае настаўніцтва і Зоі Пятроўне за сардэчнасць!
